Sæculo IV iam veneratione affectus est Diospoli, in Palæstina, ubi et ecclesia in eius honorem exstructa erat. Eius cultus per orientem et occidentem iam ab antiquitate diffusus est.

Vojtech, natus in Bohemia (Libice) circa annum 956, Magdeburgi studiis incubuit ibique in confirmatione nomen Adalberti accepit. In patriam reversus, sacerdotio initiatus est et anno 983 secundus in sede Pragensi ad episcopatum provectus est atque ad mores paganos exstirpandos strenue adlaboravit. Cum parum se proficere animadverteret, Romam se contulit et monachus efficitur. Denique ad lucrandas Christo animas, in Prussiam proficiscitur. Sed male acceptus, die 23 aprilis 997, martyrio coronatus est.